হে নমঃ গুৰু- শেৱালী গড়

তুমি লিখা কিতাপৰ 

একো -একো পৃষ্ঠাৰ, সুবাসেৰে নিগৰি সৰা 

ৰসসনা মালা তুমি। 

প্ৰকাশিত কলিজাৰ পৃষ্ঠাত

তুলসী জোপাৰ তলে, 

জ্ঞানৰ বন্তি এগচি হৈ

চৌপাশে বিলোৱা

জ্ঞানৰ খনিকৰ তুমি। 

শান্ত প্ৰবৃত্তিৰ

শব্দবিহীন, ভাষাবিহীন

মাটিৰ ঘহনীৰে ঘহা

গঢ়া কলহৰ দ্ৰষ্টা তুমি। 

অন্ধকাৰৰ দুৱাৰৰ তলিত 

জ্ঞানৰ ধুমুহাক দুবাহু সাৱটি, 

অজ্ঞানতাৰ প্ৰাচীৰ ভাঙি

তুমি গঢ়া সুন্দৰ ভৱিষ্যতৰ

একমাত্ৰ ৰচিকা তুমি। 

হে চিৰ নমঃ গুৰু

তোমাক নতশিৰে জনাওঁ প্ৰনাম।