শাৰদী ৰাণী ••ৰজনী কুমাৰ ডেকা

তুমি  আহিবা মোৰ  ওপজা 

প্ৰান্তৰলৈ  ,

 সুন্দৰ ,সুবিমল প্ৰকৃতিখন 

আকৌ পোহৰাবলৈ ৷

মোৰ দুবাহুৰে  তোমাক সাদৰি  লম ,

মোৰ হৃদয়ৰ আঁৰে-আঁৰে  তোমাক 

স্মৃতি কৰি ৰাখিম  প্ৰানৰ পুতলা

হৈ জিলিকিবা  তুমি  ৷

তুমি বাৰু বুজিবানে , তুমি বাৰু

শুনিবানে মোৰ  হৃদয়ৰ অন্তৰংগ 

মিঠা -মিঠা  কবিতা বোৰ ,

মোৰ মনৰ দলিচা খনত তোমাৰ 

স্বাগতমে  অনাবিল আনন্দিত 

কৰি ৰাখে ৷ তোমাৰ আভাৰে 

মনৰ বাগিচাত জিৰ জিৰ কৈ

বৈ আহে সুললিত শব্দ বোৰ ৷তুমি ঐশ্বৰ্য ,তুমি মমতা , তুমি মায়াবিনী,

শৰতৰ শাৰদী ৰাণী  ৷ 

               ✍️ৰজনী কুমাৰ ডেকা  

                          ৰঙিয়া  ৷