কবিতা-মধুস্মিতা নাথ

সামৰিলো,ভাল লগা এটি অধ্যায় 

যাৰ শিৰোনাম কবিতা...

উকা কাগজবোৰ ৰঙীন কৰিছিলোঁ

কবিতাৰ ভাষায়ে ক'ব বিচৰা 

এটি শিৰোনাম লৈ...

লিখি গৈছিলো এটি এটি শব্দ,

যিয়ে প্ৰকাশ কৰিছিল মোৰ মৌনতা।

সময়ে যদি লগ দিয়ে, 

পুনৰ লগ হ'ম এৰি অহা বাটত।

আকৌ হাতত তুলি দিম চিয়াহি

ৰঙীন কৰিম উকা কাগজবোৰ 

চিয়াহীৰে বিয়পাই পেলাম,

মৌনতাৰ ৰঙীন ভাষাবোৰ।

ব্যস্ততাৰ মাজতো তোমাক লিখোঁ,

যদি মনে পাখি মেলে

আকৌ আৰম্ভ কৰিম।

জুমি চাম ভাল লগা বেটুপাতটি,

য'ত লিখা আছে.....

মোৰ প্ৰাণ,মোৰ মৌনতা

যিয়ে বুজাই হাজাৰ মৌন ভাষা,

সেয়াই একমাত্ৰ কবিতা....।