মই ইয়াতে থাকো — ডঃ মুনীন্দ্ৰ মেধি।

   মই ইয়াতে থাকো মাথোঁ

     গাবলৈ তোমাৰ গান,

   দিয়া তোমাৰ জগত সভাত

     অকমান মোক স্থান।

    মই তোমাৰ পৃথিৱীখনত

    নালাগিলো নাথ,কোনো কামত,

     সেই সুৰহে বাজে প্ৰাণে

      অসাৰ যি গান।

   নিশাৰ নীৰৱ মন্দিৰে

       তোমাৰ কীৰ্ত্তন,

   তাতে মোকে আদেশ কৰা

       গাবলৈ হে ৰাজন।

   পুৱা যেতিয়া আকাশ জুৰি

    বাজিব বীণা সুৰ ভৰি

    মই যেন নৰওঁ দূৰে

     দিয়া মোক এই সন্মান।

মূল ৰচনা: ৰবীন্দ্ৰনাথ ঠাকুৰ,

( গীতাঞ্জলি, নং ৩১ )