আপোনাকে কৈছোঁ!অকণমান মাত দিব নেকি??••অৰ্ণৱ কটকী

অকণমান মাত দিব নেকি?

আপোন সময় অলপ খুজিছোঁ আপোনাৰ পৰা 

নিসংগতাৰ পোছাক খুলি , সংগ অলপ বিচাৰিছোঁ 

ব্যস্ততাৰ অজুহাত দি আঁতৰি নাযাব 

সহাঁৰিৰ এশাৰী মাত খুজিছোঁ আপোনাৰ মুখৰ।।

ভাৱিছে নেকি মনে মনে ....

সুবিধা লৈছোঁ কথা পতাৰ আপোনাৰ পৰা।

ভুল নুবুজিব মিছাতে এনে কথা ভাবি 

কি ঠিক! বৈ যোৱা সময়ে পুনৰায় দিয়ে নাই এনে সুবিধা 

আপোনাৰ লগত কথা পতাৰ সেই সোণোৱালী ক্ষণ।।

অজুহাতৰ সাগৰ বোৱাই, আধাতে আকৌ এৰি নাযাব 

যান্ত্ৰিকতাৰ পৃথিৱীত দুদিনৰ মাথোঁ আলহী 

অকণমান সময় উলিয়াই কথা পাতি যাব নেকি?

মানৱতা ভৰা সেউজীয়া মনৰ বতৰা লৈ 

দিব নে বাৰু আপোনাৰ জীৱনৰ অকণমান সময় ।।