গীতি কবিতা - ৰাতুল চেতিয়া ফুকন

মই লাচিতে কৈছোঁ শুনা

শৰাই ঘাটৰ পৰা

অ' মোৰ অসমৰ আপোন জনগন

নৰিয়া গাৰে আহি

ৰণৰ সাজেৰে সাজি

ৰাখিবলে মোৰ দেশ অসমখন ৷

সৌৱা চোৱা বিশ্বাসী সহোদৰ

বাঘ হাজৰীকা আৰু

সাহসী সেনানী আছে অগনন

লুইতৰ বগা পানী ৰাঙলী কৰিব'লে

মৰণ পন লৈ

মোগলক ভেটিবই

ওলাই আহিছে চোৱা কত জনগন ৷

আহ আহ আহ

অ' মোৰ অসমৰ আপোন মানুহ

চিনি থবি ভালকৈ

আমাৰ মাজতে থ'কা

স্বাৰ্থপৰ কপতিয়া বদন বোৰ ৷

    ✍️ৰাতুল চেতিয়া ফুকন

          চৰাইদেউ