নববৰ্ষৰ সপোন-ৰাতুল চেতিয়া ফুকন

তেজৰ দাগ 

চকুপানী ,হুমুনিয়াহ

হাহাকাৰ

বিচিত্ৰ ৰঙ গাত লৈ

এখিলা এখিলাকৈ বাৰ খিলা 

কেলেণ্ডাৰৰ পাত সৰি পৰিল ।

বেৰৰ যি ঠাইত কেলেণ্ডাৰ খন আছিল

ঠাই খিনি ধূসৰ হ'ল ।

নতুন এখন নহালৈকে

তালৈ চিনাকি জেঠীটো নাহে ।

পুৰনি কেলেণ্ডাৰ খনৰ লগতে

সৰি পৰা দিন বোৰ

নতুন খনে ঘুৰাই নানে ।

আশাকৰোঁ নতুন কেলেণ্ডাৰ খনৰ

কোনো এখিলা পাততে যেন

নেলাগে দাগ ।

চিনাকি জেঠী টোৱে নিচিন্ত মনে জিৰণি লওক

তাত ।