বৰষুণ ভাল পাওঁ••যুগল কিশোৰ কেওঁট

বৰষুণ

তোমাৰ আগমনে মোক উৎফুল্লিত কৰে

মোৰ সীমাহীন দুখৰ সমভাগী হৈ

মোক লগ দিয়া যেতিয়া

কোনেও নজনাকে নিৰবে নিগৰি থকা

দুখবোৰ সাবটি বৈ যোৱা

কোনেও নেদেখা এখন

শুকান শিলৰ নদীলে

যি শিলে যুগ যুগ ধৰি বহন কৰি আহিছে অজস্ৰ দুখৰ বোজা 

বিলাই দিয়া অসংখ্য শিলৰ বুকুৱে বুকুৱে 

কৈ দিয়া তোমাৰ দৰে 

মোৰ দুখৰ সমভাগী হ'বলে 

চিঞৰি চিঞৰি কোৱা 

ওখ ওখ শিলৰ বুকুৱে বুকুৱে প্ৰতিধ্বনিত হওঁক কেতিয়াও 

কোনেও নেদেখা 

মোৰ দুখৰ বেদনাসিক্ত লোটক বোৰ। 

বৰষুণ তোমাক ভাল পাওঁ।