তোমাৰ নামতেই-পল উৎপল গোহাঁই

মাজ নিশা যেতিয়া নিচাত মাতাল হৈ

লগৰীয়াৰ লগৰ পৰা আঁতৰি আহোঁ

চিগাৰেটৰ ধোঁৱাৰ ফাঁকেদি ওলাই আহে

ফৰফৰীয়াকৈ তোমাৰ নাম

সোঁৱৰাই দিয়ে তোমাৰ লগত পাৰ কৰা সময়বোৰ

অতীতৰ স্মৃতিবোৰে আগভেটা দিয়ে

মোৰ ঘৰলৈ অহা-যোৱা বাট ৷

মুখেৰে ওলাই আহে

ফুটা নুফুটাকৈ অশ্লীল শব্দবোৰ

দাঁতৰ ফাঁকেৰে

সলসলীয়াকৈ নোলায় কোনো

অৰ্থস্থ বাক্য

মুখত মাথোঁ আহে

বহুতো ভুল ধাৰণা ৷