মোৰ উজাগৰী সময় ।
নৈপৰীয়া কোনো
পাহুৱাল ডেকাৰ
মাতাল বাঁহীত
ঐনিতমৰ সুৰ ।
হয়তো কোনোবা
অচিন গাভৰুৰ
তাঁতশালত দ্ৰুপতিৰ
ধ্ৰুপদী নাচোন ।
এন্ধাৰ ফালি ফালি
মেখেলাত বাচিছে
সৰিয়হ ফুলৰ আল্পনা ।
বাঁহী আৰু তাঁতশালত
দুয়োৰে বাসন্তী সপোন একাকাৰ ।
ৰেচমী বতাহৰ ভাঁজে ভাঁজে
ৰিণিকি ৰিণিকি
মোৰ কৰ্ণকুহৰত ।
সৌৰভ কুমাৰ বৰুৱা
উঃ লখিমপুৰ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ