গ্লানি

বিশ্ব বজাৰত অৰিহণা যোগোৱা

এটি কলি দুটি পাতৰ

প্ৰতিখন চাহ বাগিছাৰ

তই যুগ-যুগান্তৰৰ মালী

তোৰ অকৰ্মন্যতাই

আনিব পাৰে আৰ্থিক নাটনি

অপ্ৰিয় যদিও সত্য ই তথাপি

মনুষ্যত্বৰ প্ৰতি উপহাস কৰি

নিলাজহঁতে আকৌ

তোকেই পাৰে গালি

'কুলি' 'বঙালী' বুলি

তোৰেই তেজ পানী

হাড়ভঙা শ্ৰমৰ লয় জুতি

প্ৰতিদিনে এপালি দুপালি

ৰাতিপুৱা আৰু আবেলি

তইয়ো যে কি

স্বাধীনতাৰ পিছতো আজিলৈ

গজা নাই হিয়াত তোৰ

প্ৰতিবাদৰ পোখালি

বিপ্লৱ কৰিব নোৱাৰই যদি

যুগে যুগে থাক তই ডুবি

শিৰত  লৈ চাহ শ্ৰমিক হোৱাৰ গ্লানি।