জাগা ,জাগা তোমালোক হৈ শক্তিমান ।
দুবাহুত গোটোৱা অসীম বল
স্বাধীন দেশৰ বাবে হাঁহি হেলাৰঙে
কৰি যোৱা মুক্তিৰ ৰণ।
মৃত্যুৰ হাত বাউলি ভয় নকৰি
যোৱা আগুৱাই নিজ কৰ্ম কৰি ।
অ' মোৰ জননীৰ সন্তান
অনাচাৰ,অত্যাচাৰ দুৰ্নীতি আতৰাই
জগাই তোলা উন্নতিৰ অভিযান।
আপোন দেশক ৰক্ষা কৰি
মাতৃৰ সন্মান অক্ষুন্ন ৰাখি
জগাই দিয়া প্ৰেৰণাময় আহ্বান ।
কৰ্মহীনতা, কাপুৰুষতাক নিদিবা স্থান
জাগা জননীৰ সন্তান ।
দেশ মাতৃৰ শংকা আতৰাই
কৰাই দিয়া অমৃত পান
জাগা জননীৰ সন্তান ,নৱজোৱান ।
নৱজোৱানৰ দুৰ্জ্জয় অভিযানত
শত্ৰু হওঁক কম্পমান ।
দেশ মাতৃৰ দুৰ্দশা দেখি
হৃদয়ে মোৰ জনাই আহ্বান ।
হৃদয়ে মোৰ জনাই আহ্বান ।
ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ