মোৰ দেশৰ মানুহ ---------
দাসত্বৰ বান্ধোন খুলি
মূৰ তুলি চা বিশাল আকাশলৈ ।
আজুৰি আন তোৰ
প্ৰাপ্তিৰ অধিকাৰ -----------
কুঁৱলীৰ আচ্ছাদন ভেদি
নমাই আন প্ৰশান্তিৰ ৰ'দ ।
জালিকটা জোনাক
তোৰ পাপ্য নহয়-----------
নহয় মঞ্চৰ ড্ৰপচিনত
মুদ্ৰাৰ কুশীলৱ -------------।
দুহাত প্ৰসাৰি লৈ আন
তোৰ জন্মচৰ্ত অধিকাৰ ।
যদি বিচাৰ সেউজীয়া
জীৱনৰ ৰঙীন সোপান ।
তোৰটো জীৱন দুদিনীয়া
ধৰাৰ ভৱিষ্যৰ কথা ভাব ।
য'ত থাকিব পাৰে প্ৰজন্মই
এজোপা গছৰ তলত
মূৰ দাঙি চিৰ জীৱন
শান্তিৰে জীয়াই --------- ।
হেমন কুমাৰ চাচনি
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ