মুখ থাকিও ক'তো একোৱেই নেমাতো
জ্ঞান বিৱেক থাকিও নুবুজো একো
নিজক নেজানো নিজক নুবুজো
আনৰটোহে সহজে নেদখাকৈয়ে দেখো
আনে কোৱাহে সত্য বুলি ভাবো
২/স্বাক্ষৰ হৈয়ো আমি নিৰক্ষৰ
শিক্ষা লৈও নিৰ্লজহৈ হওঁ অশিক্ষিত
সন্মিলিত হৈয়ো নেৰাখো ঐক্যতা
প্ৰকৃতি মানুহৰ বিৰুদ্ধ আমি
নোৱাৰো থাকিব সত্য ধৰ্মত ধৰি
অন্ধ পঙ্গু বিকল আমাৰ মানসিকতা
৩/সত্য ন্যায় আজি নিচিনো আমি
কুজ্ঞান কুমন্ত্ৰনাৰহে কৰো আৰতি
হৃদয়হীন আমি নাই প্ৰেম মানৱতা
চিনিপাও বলাৎকাৰ অত্যাচাৰ
ফাঁকি ফুকা ফাকজাল অন্যয় অবিচাৰ
ভাল লাগে বিয়পায় বিভীষিকা
৪/অধ্যয়ন অধ্যৱসায় শূণ্য আমি
নিজকে ভাৱো বৰ জ্ঞানী বুলি
আনন্দ পাও আনক ব্যতিব্যস্ত কৰি
আধুনিকতাৰ মুখা তৰপে তৰপে পিন্ধি
অসভ্যৰো অশ্লীল অসভ্য আমি
সমাজত সভ্য হও খাও আনক ঠগি
৫/অনুভূতি উত্তেজনা উপলব্ধিৰ
অনন্ত ঐশ্বৰ্য্যৰ প্ৰাচুৰ্যময় অসীম উৎস
আমাৰ হৃদয়ৰ অনুভৱে স্পৰ্শ নকৰে
দুৰ্বিচাৰ দুৰ্নীতি অন্যায় অনীতি
আমাৰ হয় সহজে হৃদয় গ্ৰাহ্য
ভৱিষ্যতৰ কথা জ্ঞানে চুবই নোৱাৰে
৬/এনেকৈ মানুহ গ'লে আগবাঢ়ি
ধ্বংস হ'বই মানুহৰ পৃথিৱী
প্ৰকৃতিৰ বুকুলৈও বিনাশ আহিব নামি
প্ৰেম মানৱতা সত্য ধৰ্ম সততা
থকা কনো আৰু নেথাকে সমুলি
অজ্ঞান আসুৰীকতাত যাব জহি পমি
৭/মানুহ হ'ব এক আশ্চৰ্য্য জন্তু
জঘন্য ভয়ংকৰ জয়াল সিন্ধু
সত্য ন্যায় ধৰ্ম নেথাকিব একো
সূৰ্য্য থাকিলেও সেউজ নেথাকিব
চেচ্ছাই সৰ্বদিশে সৰ্ব বিলুপ্ত হৈ যাব
বিলুপ্ত হ'ব উদ্ধাৰৰ অন্তিম সাঁকো
📝প্ৰণৱৰঞ্জন শইকীয়া
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ