সেই অভিনয়তেই দেখিলো সপোন
যাচিলো মৰম
কৈছিল মোক সৰীসৃপ হৈ নবগাবা
খুটি খুটি নাখাবা !!
আতৰি আহিব খুজিছিলো
কিন্তু তেওঁ হঠাতে অন্তৰখন চুৰ কৰি কলে
মোৰো প্ৰয়োজন ।
সেয়ে খুপনি পুতিলো আদান প্ৰদান কৰি মৰমৰ !!
অগাধ বিশ্বাস কৰিছিলো
ইমান কম সময়ৰ ভিতৰতে সলনি হব পাৰে
ভবা নাছিলো ।
আচলতে আপোন বুলি ভবাটো ভুল হ'ল নেকি ? ?
আজিৰ পৃথিৱীত বিশ্বাসৰ অপমৃত্যু হৈছে নেকি ??
প্ৰেমত পৰাটো দুখ ছাগে মোৰ
কিয় জানো পেটলৈ ভাত নাযায় চকুত টোপনি হেৰাই ,
সেয়ে হৃদয়ৰ গোপন ৰহস্য প্ৰকাশ কৰি
খুটি পুটি উজুটি খোৱাৰ দৰে !!
চকুলো সৰে অজানিতে
টোপাটোপে
শিতানৰ গাৰুটিতে
নিজানৰ পিৰালিতে
📝 ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ