মৰুৰ বালিচৰত
সাজিম এটি কাৰেং,
য'ত থাকিম কেৱল,
তুমি আৰু মই ।
আমাৰ মৰমবোৰে
ওমলি ফুৰিব ।
সপোনবোৰে সোণোৱালী বাটত
ঢাপলি মেলিব ।
তুমি আৰু মই
আকাশৰ তৰাবোৰক চাই
লিখি যাম আমাৰ
এটি প্ৰেম কাহিনী ।
দুখবোৰে ফেকুঁৰি কান্দিব
আৰু সুখবোৰে,
হেঁপাহ পলুৱাই খিলখিলাই হাঁহিব ।
খেলিম আমি,
সাগৰৰ ঢৌবোৰৰ লগত,
ভাঁহি অহা শীতল বতাহৰ খুন্দাত,
বিলীন হৈ ৰ'ম,
দুয়ো দুয়োৰে মাজত ।
কল্পনা সাগৰৰ সিটোপাৰে
মৰুৰ বালিচৰত
সাজিম তুমি আৰু মই
এটি সপোনৰ কাৰেং ।।
✍️ৰিয়ানশ্ব কাশ্যপ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ