অচিন অনুভূতি

ক'ৰ পৰা নো আহিলা তুমি !

এটি অচিন অনুভূতি লৈ,

মোৰ জীৱনলৈ,,

 

 যাচিলা স্নেহৰ সুবাস ,

 দিলা নবীন উল্লাস

 কাঢ়ি নিলা‌ মোৰ হৃদয় ,

 মই নবুজাকৈ, মই নভবাকৈ,,,

 কোনখন দেশত লুকাই আছিল

 তোমাৰ এই পৰিচয়??

 

  দুখবোৰে যদি মোক আগছি ধৰে

  বৈ চোন অশ্ৰুধাৰী তোমাৰ নয়নেৰে,

  সফলতা যদি মোৰ কাষ নাচাপে

  নিৰাশতা দেখোন তোমাৰহে জন্মে !

   কি অদ্ভুত এই অনুভূতি,

   প্ৰকৃত স্নেহৰ,

   প্ৰকৃত আদৰৰ !

 

  মই যদি পাৰিলোহেতেন,

   এবুকু মৰমেৰে তোমাক 

                  ঢাকি ৰাখিলোহেতেন,

    আৰু ,

    তোমাৰ জীৱনৰ প্ৰতিটো মূহুৰ্তত

                  তোমাৰ লগ দিলোহেতেন,

    চিৰকাল ! চিৰদিন !

    স্মৰণীয় হৈ থকাকৈ.....

    

    ✍️স্বাতী জয়ছোৱাল

    নাহৰকটীয়া, ডিব্ৰুগড়