কাউৰী-কবিতা~মানিক পাল

অ’ কাউৰী অ’ কাউৰী 
কিনো কোৱা
কা কা কৰি 
আকাশত উৰি ফুৰি ?

জীৱ শ্ৰেষ্ঠ মানৱৰ
শ্ৰেষ্ঠত্ব দেখি ,
জাতি-বৰ্ণ-ধৰ্মৰ 
বিভেদ দেখি ,
হিংসামত্ত সমাজৰ 
হিংসা দেখি ,
বুবুক্ষাৰ বাবে
লালসাৰ লেলাৱতি দেখি ,
ভ্ৰষ্টাচাৰীৰ ভ্ৰষ্টাচাৰৰ 
ৰাজমহল দেখি ,
কামুক ব্যক্তিৰ 
কামনা বাসনা দেখি ,
সত্য সততাৰ 
শৰশয্যা দেখি ,
আজি মই হাঁহিছোঁ 
উৰি ফুৰি 
কা কা কৰি ।

এই জীৱ শ্ৰেষ্ঠ মানৱে আকৌ 
মোক বিদ্ৰুপ কৰে 
মোৰ এঙেৰুৱা বৰণ দেখি 
মোৰ এঙেৰুৱা ওঁঠ দেখি ।

হে , মূৰ্খ মানৱ 
হ’ব পাৰে মোৰ 
বৰণ এঙেৰুৱা 
ওঁঠ এঙেৰুৱা 
নাই কিন্তু তোমালোকৰ দৰে 
জাতি-বৰ্ণ-ধৰ্মৰ ভেদাভেদ,
হিংসাৰ ভাৱনা ,
কুটিল মানসিকতা ,
ক্ষমতাৰ প্ৰতিযোগিতা,
কামনা-বাসনাৰ সুবাসনা ,
আপোনপেটীয়া অৱধাৰণা ।

আছে মাথোঁ 
সংহতি সজ্ঞান সংঘবদ্ধৰ 
নীলা নীলিমা ।

✍️মানিক পাল
গাঁও: শিমলীতোলা
জিলা:গোৱালপাৰা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send