প্ৰহৰি প্ৰগতিৰ
সভ্যতাৰ দেৱাল
গাঁঠি গাঁঠি উকলিছে দিন ।
মেঘৰ ঝংকাৰ তৃপ্ত হৃদয়
লহ পহকৈ বাঢ়িব পাত
ভৰিব টুকুৰী
আৰু বেতন!
হ'ব অলপ জোৰদাৰ ।
চাহ আৰু বাতৰি কাকত
এক সুন্দৰ
সংগম ৰাতিপুৱাৰ।
বাগানৰ গলিবোৰ ব্যস্ত
ঠিক আন দিনবোৰৰ দৰে
মহামাৰীৰ তাণ্ডৱ
তৎসত্বেও সকলো একে ।
কুলি, ভোট বেংক
আৰু ক'ত যে উপনাম।
নেতা আহে দৰদী হৃদয়লৈ
প্ৰতিশ্ৰুতি দি যায় উন্নতি
হ'ব আপোনাৰো
মাথোঁ বিশ্বাস ৰাখক আমাৰওপৰত।
বিশ্বাসৰ ৰণত বিজয়ী
কোনোবা,
মাথোঁ একে থাকে
চাহ বনোৱাৰ জীৱন।।।
✍️ময়ূৰী বাগ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ