দেৱীৰ আগমন-তানিয়া মধুকল্য

©Admin
0
শুকুলা মেঘৰ 
চাদৰ উৰুৱাই
পক্ষীৰাজ ঘোঁৰাৰ
পিঠিত বহি ধৰাৰ
বুকুলৈ আকৌ আহিল
শাৰদী ৰাণী।

পুৱাৰ দুবৰিৰ দলিছাত
সৰি পৰা নিয়ৰৰ মুকুতাবোৰে
তলসৰা শেৱালিজাকৰ লগত
পাতিছিল এখনি ফুলৰ মেলা!

শেৱালিৰ আমোলমোল 
সুবাসৰে সুবাসিত আজি 
মোৰ নিজান পদূলি;
আলফুলকৈ ফুলি উঠা 
কঁহুৱাজাকেও দেখো
বৰ আনন্দৰে নাচিছে!

দেৱীৰ আগমনৰ লগে লগে
চৌদিশে আজি 
উন্মাদ মাদকতা ।। 


             

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)