সপোনৰ পৃথিৱী

মোৰ সপোনৰ পৃথিৱীখনি য'ত প্ৰস্ফুটিত হ'ব আশাৰ ৰেঙণি , 

নিৰাশাৰ বাট ভেদি সপোনে চুব শিখৰৰ সৰগখনি ।

মোৰ সপোনৰ পৃথিৱীখনি য'ত 

বিৰাজিত হ'ব চিৰকাল সেউজীয়া বননি , 

সেউজীয়াৰ আচ্ছাদনত পৰি সম্পূৰ্ণ হ'ব সেউজমুখীৰ হাঁহি ।

মোৰ সপোনৰ পৃথিৱীখনি য'ত বিৰামহীন ভাৱে কুলু কুলু সুৰেৰে বৈ যাব শান্তিৰ নৈখনি , 

য'ত মুক্তমনে বিচৰণ কৰিব পাৰিব শান্তিৰ কপৌজনী । 

মোৰ সপোনৰ পৃথিৱীখনি য'ত যান্ত্ৰিকতাৰ সলনি পক্ষীকূলৰ কল-কলনিত সাৰ পাব প্ৰভাতী পৃথিৱীখনি , 

নিৰ্জনতাৰ পাৰ ভাঙি ৰিঙিয়াই গাব পৰাণৰ গীতটি । 

মোৰ সপোনৰ পৃথিৱীখনি য'ত  জীয়াই থাকিব বিচাৰোঁ মুক্তমনে সপোনৰ ঠিকনা বিচাৰি , 

য'ত মুক্ত আকাশেও হাঁহিব পৰাণৰ কবিতা ৰচি ।

✍️দীপ্তি কুমাৰ

 ছিপাঝাৰ মহাবিদ্যালয় (দৰং)