ভাগৰুৱা মন | বন্দিতা বৰা

মোৰ বৰ ভাগৰ লাগিছে অ'...
সপোনৰ পম খেদি-খেদি  
আজি যে পথভ্ৰষ্ট এই মন ।
আকাশৰ পৰিধি ভাঙি উৰিছোঁ মই,
তথাপিও যে শূণ্যতায়ে মোৰ আপোন।
সাগৰৰ বিশালতাতে বিলীন মই ,
তথাপিও আজি তৃষ্ণাতে আতুৰ এই মন।
ক'ত পাম মই বিনিময়ৰ মেলাখন ?
এবুকু ভালপোৱাৰ বিনিময়ত এমুঠি সহানুভূতি লাগে সঁচা হৃদয়ৰ ।
আজি যে বৰকৈ ভাগৰুৱা এই মন ...
মোক অলপ ঠাই লাগে জিৰাবৰ বাবে....
মোক আঁকোৱালি লোৱা আই ..
টোপনি যাম তোমাৰ কোলাতে,
 তোমাৰ পৰশতে আঁতৰিব মোৰ সকলো ভাগৰ।
                                   
▪️বন্দিতা বৰা, যোৰহাট

Post a Comment

Previous Post Next Post