খেল -মনস্বিনী শৰ্মা

একেটা চুবুৰীতে থকা কণমাইৰ মাকৰ ঘৰৰ দেউতাকৰ বাৰ্ষিক শ্ৰাদ্ধভাগৰ পৰা বৰতালৰ শব্দ আৰু ভকতৰ হৰিনামৰ ধ্বনি ভাঁহি আহি কণমাইৰ কাণত পৰিছেহি। বৈবাহিক সূত্ৰে কণমাই আৰু যুগলৰ ঘৰ দুখন এক হোৱাৰ ইমান বছৰৰ পিছত আজি গাঁওখনৰ নামঘৰৰ খেলৰ মাজত হোৱা বিচ্ছেদৰ বাবে জন্মদাত্ৰী পিতৃৰ শ্ৰাদ্ধভাগলৈ যাবলৈ সমাজখনে তাইক বাধা দিছে।গুৰুজনাই সমাজখন একত্ৰিত কৰি ৰাখিবলৈ স্থাপন কৰা নামঘৰৰ প্ৰকৃত স্থিতি তেন্তে এয়াই নেকি?কথাবোৰৰ পাৰ নোপোৱা কণমাইৰ দুচকুৰে চকুলো নিগৰি আহিল।