ভৰ দুপৰীয়াৰ বেলি।
চকুত জোনাকী নাচে,
তপত বোকাত ভৰি।
ৰোৱনীৰ ঘৰ্মাক্ত দেহাৰে,
পথাৰৰ সেউজ ধাননি।
সজাঁল ধৰা কঠীয়াৰ,
উলাহৰ গুনগুননি।
বাস্পিভূত পানীৰে,
আকাশত পানীৰ গাঠনি।
প্ৰখৰ ৰ'দত চিৰাল ফাট মেলে,
হাহাকাৰ পানী আৰু পানী।
ভৰ দুপৰীয়াৰ ভয়তে,
কনকন মাছ কেইটাৰ
দলকেইডালেই আশ্ৰয়স্থলী।
মুৰৰ পাগুৰী খুলি,
গছৰ ছাঁ পাওঁ কেনি।
দুপৰীয়াটোৱে দিনটো দুভাগ কৰিলে,
পুৱা আৰু আবেলি।
যেন বহুদুৰ বাট পুৱাৰ পৰা গধূলিলে,
মাজত ক্ষন্তেক জিৰণি।
◾পাপু শইকীয়া
চিনাতলী (গোলাঘাট)
ভ্ৰাম্যভাষ :-৯৮৬৪৫০২৮৭৩
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ