মহাৰথী হীৰুদা

অসমীয়া কাব্য জগতৰ,

জ্যোতিষ্মান নক্ষত্ৰ।

দুৰ্দান্ত শব্দৰ সৃষ্টিকৰ্তা,

সাহিত্যৰ ধৰা জীপাল কৰি,

 কবিতাৰ অমৃতধাৰাৰে ,বিশ্বক আপ্লুত কৰিলা। 

শান্ত , সৌম্য ,নিকা ভাৱমূৰ্তিৰ

তুমি জলন্ত প্ৰতীক।

সাহিত্য অকাডেমি বঁটা বিজয়ী,

সুগন্ধি পখিলাৰ কবি ,

তুমি নয়নৰ মণি, সকলোৰে প্ৰিয় কবি।

তোমাৰ বিস্মিত নেত্ৰত ,

অলেখ প্ৰজ্ঞাৰ আলোক।

সাধাৰণ জীৱন যাপন, উচ্চ চিন্তাৰ বাহক,

হে মহাৰথী হীৰুদা,

মোৰ ক্ষুদ্ৰ কবিতা গাথাঁৰে ,

 শ্ৰদ্ধাৰে সুঁৱৰিছোঁ,

চিৰস্থায়ী হওঁক ,তোমাৰ কাব্য কাননৰ আভা,

আমাৰ হৃদয়ৰ অটল গহ্বৰত ।

দীৰ্ঘস্থায়ী হওঁক, তোমাৰ কৰ্মৰাজি,

নিৰন্তৰে,চিৰন্তন যুগে যুগে।।

                      

                     ◾সীতা দেৱী, বিহপুৰীয়া।

                        লখিমপুৰ (অসম)

                        ২৮-০৭-২০২১.