অশ্ৰুসিক্ত দুচকু- আলতাব হুছেইন

তুমি আঁতৰি যোৱাৰ পাছত 

নিৰৱ নিস্তব্ধ নিশাবোৰে 

 মনত পেলাই দিয়ে 

তোমাৰ প্ৰতিশ্ৰুতি আৰু স্মৃতিবোৰৰ কথা ।

তোমাৰ প্ৰতিশ্ৰুতি আছিল

চিৰ জীৱন মোৰ বাগিছাত

এটি সুগন্ধি ফুল হৈ থকাৰ

আৰু সেই ফুলৰ পৰা 

এটি ৰঙীন পখিলা জন্মাৰ কথা ।

তুমি দিয়া প্ৰতিশ্ৰুতিবোৰ মনত পৰিলে

দুয়ো চকুৰে অশ্ৰু নিগৰি আহে

বহুত চেষ্টা কৰো তোমাক পাহৰিবলৈ

কিন্তু তোমাৰ কোমল শেৱালি হাঁহিটোয়ে

কেতিয়াও পাহৰিবলৈ‌ নিদিয়ে ।

তুমি মোৰ সপোনৰ ঘৰখন ভাঙি

ক'ত আছা লুকাই থাকি 

কাকনো সাজি দি আছা সপোনৰ ঘৰখনি

য'তে আছা সুখে - শান্তিৰে থাকা 

মোৰ দৰে বেলেগৰ

লগতো নকৰিবা প্ৰতাৰণা ।