তৃতীয় পক্ষ- শতাব্দী শৰ্মা

 

দ্বিতীয় পক্ষক সামৰি 

আজিৰ তাৰিখত দেখিছোঁ

আনৰ চকুত মোৰ দোষৰহে প্ৰকাণ্ড লিষ্ট।

বাকীবোৰ পানীৰ দৰে , 

যিকোনো পাত্ৰত আকাৰ লয় !! 

মই শৈশৱতে কৰা ভুলটোৱে আজিও 

মন - মগজুত প্ৰচণ্ড কোব মাৰে মাজে মাজে!

সৰু হৈ থকাটো ভুল নাছিল,

শকুনিৰ ৰূপত তৃতীয় পক্ষ হৈ মোৰ

আশে-পাশে থকাবোৰক ধৰিব পৰা নাছিলোঁ ।

তেওঁলোকে একালত নিজে চুগাৰ ক’টেড হৈ 

মোক অপ্ৰিয় কৰিলে অন্যৰ চকুত ।

বুজাসকলে কি বুজিলে নো ? মই নাজানো 

চাৰিওফালে বন্ধু - বিচ্ছেদ !

তথাপি চেষ্টা ভাললৈ, 

কিন্তু কাল - মহাকালৰ অবান্তৰ প্ৰাচীৰ।

মই স্বেচ্ছাই অন্ধত্ব বৰণ কৰা গান্ধাৰী নাছিলোঁ,

নাছিলোঁ কোনো ৰাজসভাৰ চকু মুদা কুলিহেন সভাসদ ,

মইতো নাছিলোঁ বহুকাল নিদ্ৰাৰত কুম্ভকৰ্ণ !!

মানুহ চিনাৰ মন্ত্ৰ শিকি

আজিকালি অবিশ্বাসৰ মেৰপাক গুচাবলৈ সময় লাগে।

ভাললৈ তৃতীয় পক্ষ কাকো নাই পোৱা ,

সকলো কালৰ খ্যাতিতেই ক্ষতিকৰ।

মনৰ মাজতে কঢ়িয়াই আছো কথাবোৰ , 

চক্ৰবেহুত নোসোমাও ।

চিনিছো আজিও তৃতীয় পক্ষ ,

সুযোগ বিচাৰি বিৰাজমান ! 

            

✍️শতাব্দী শৰ্মা

      নগাঁও