শেষৰ মাহ ডিচেম্বৰ- শ্ৰী সুমন কাকতি

সকলোৱে কয় , নদীৰ দৰে অবিৰতভাৱে বৈ যায় সময় ! কাৰোঁ বাবে নৰয় কিন্তু সময়ে মানুহক শিকাই আৰু মানুহে শিকে । আমিও হয়তো সময়ৰ অধীন কিন্তু সময়ৰ সোঁততে লগ পোৱা যায় কিছু ন-ন মানুহ , হয়তো সকলো মানুহ আপোনাৰ আপোন নহ'বও পাৰে কিন্তু তাৰ মাজৰ কিছু ব্যক্তি আপোনাৰ মনত জীয়াই থাকে চিৰদিন , চিৰকাল । 

           ২০২২ চনটোও হয়তো সেই একেখন নদীৰে সোঁত য'ত আপুনিও লগ পাইছে বহু লোকক আৰু এতিয়া ২০২২ শেষ হ'বলৈ আৰু বেছিদিন নাই । সময় সলনি হ'ব পাৰে কিন্তু মানুহৰ সপোনবোৰ একেই থাকে । সময়ৰ টিকনিডালত ধৰিয়েই সকলো আগুৱাই গৈ আছে , সফলতা-বিফলতা থাকিবই কিন্তু সফলতাৰ পাছত দৌৰি ভাগৰিছে যদিও আপুনি কাহানিও থমকিব খোজা নাই বাবে আজিয়ো যুঁজি আছে নহয় জানো ? আপোনাৰ জীৱনৰ সকলো সময় ভাল নহ'বও পাৰে । আপুনি হয়তো কোনো কাৰণত মোক বেয়া পাব পাৰে আৰু মইও আপোনাক কোনো কাৰণত বেয়া পাব পাৰো কিন্তু দুদিনীয়া জীৱনত এজনে আনজনৰ লগত বেয়া হৈ কি কৰিব নহয় জানো ? 

         আহক ,২০২২ ত পোৱা অপ্ৰয়োজনীয়খিনি এৰি যাও বিদায়স্থলীত আৰু তাৰ ঠাইত স্থান দিওঁ ২০২৩ ৰ নতুনত্বখিনিক । 

        আহক , বিদায় দিওঁ ২০২২ ক আৰু ২০২৩ ক উদযাপন কৰোঁ । ২০২৩ সকলোৰে বাবে হৈ পৰক প্ৰাপ্তিৰ বছৰ।