সপোনৰ বীজ সিঁচি শান্তিৰ
শস্য চপোৱা, ফাগুন তুমি বাৰু
কোন প্ৰান্তৰৰ খেতিয়ক ?
ধূলিৰ ৰণ ভূমিত শত্ৰুক
বিনাশ কৰা ।
ফাগুন কিনো তোমাৰ তাণ্ডব নৃত্যৰ
অৰ্থ ?
শীতৰ এন্ধাৰত বেৰহি ধৰা কালৰাত্ৰিক উমি, উমি জ্বলি
খেদি ফুৰা ।
হে ফাগুন তুমি বাৰু কি পোহৰৰ
শিখা বাস্তৱ নে দূৰ অতীতৰ ?
ক'ত দূৰ ক'ত পৰুৱাৰ লানি সনা ।
মৌ-পৰশা মন তুমি চোৱা,
ফাগুন তুমি কি পুস্পৰ সুগন্ধি ?
আকাশে-বতাহে, পাহাৰে-ভৈয়ামে
একতাৰ সহযাত্ৰীৰ দৰ্শন কৰোৱা।
ফাগুন তুমি বাৰু কোন দেৱতাৰ
পূজাৰী ?
✍️ৰজনী কুমাৰ ডেকা
ৰঙিয়া ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ