আঘোণৰ কুঁৱলী‌ - ৰঞ্জু গায়ন বৰুৱা

আঘোণৰ কুঁৱলী ,

তুমি যে এতিয়া লাজুকী লখিমী

তোমাক আদৰিবৰ বাবে আহিছে বহুতো আলহী ,

আঘোণৰ কুঁৱলীয়ে বাট ভেটি বাৰে বাৰে কৰিছে আমনি একোকে নামানে বুজনি ।

আঘোণৰ কুঁৱলী,

নথকা হ'লে দেখিলোহেঁতেন পকা সোণ-বৰণীয়া ধান আচঁলত লুকাই থকা লিহিৰি লিহিৰি দাৱনিৰ আঙুলি ,

চাওঁ নেচাওঁ কৈ একা-বেকা চাওঁনিৰ দুটি ওঠৰ মিচিকিয়া হাঁহিটি ।

 আঘোণৰ কুঁৱলী'

 সোণ গুটি পথাৰত দেখিছো এজাক দাৱনি মূৰবোৰ ওপৰলৈ তুলিবলৈ নাই যে আহৰি 

অলপ দূৰৰ পৰা নোচোৱাৰ ভাও ধৰি চাবওতো পাৰিলোহেঁতেন আছিল বা: মোৰ মালতী

 জনী ?

 

✍️ৰঞ্জু গায়ন বৰুৱা , নামৰূপ

ফোন নং- ৯৯৫৪১২৬৩৪৬