পূৱাৰ কুঁৱলীয়ে লাহে লাহে মেলানি মাগিলে
চাইৰঙী আকাশলৈ বৈছে
ধূলিয়ৰি ফাগুনৰ গুঞ্জন
ফাগুনে আনে সৃষ্টিৰ বতৰা
দিয়ে সেউজীয়াৰ ঠিকনা ।
ফাগুন !বৰ অভিমানী
কাৰো কথা নুশুনে
কৈ যায় মাথোঁ নিজৰ কথা ।
ফাগুন মানেই যে প্ৰেমৰ মিঠা অনুভুতি
ফাগুন মানেই যে সপোন ।
প্ৰতিটো সৰাপাতে দি যায়
ফাগুনৰ বতৰা
সৃষ্টি হয় নতুন কবিতাৰ
যি কবিতাৰ ৰঙেৰে জীপাল হৈ উঠে
প্ৰতিখন হৃদয়।
তাতেই প্ৰাণ পাই উঠে
সৃষ্টিশীল মনৰ অনুৰাগ ।
সেয়েহে সকলোৰে বুকুজুৰি গুঞ্জৰিত হৈ থাকে এক মায়াসনা অনুভৱ
এক অবুজন শিহৰণ।
✍️নিবেদিতা দাস কলিতা
নলবাৰী ।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ