পুনঃ পুনঃ ঘূৰি অহা এটা মাহ
কবিৰ হৃদয়ত উথলি থকা
প্ৰেম-ভাল পোৱা আবেগ-অনূভূতি
মন-প্ৰাণ ভৰি থকা
এটা মিঠা শিহৰণ।
পাতলীয়া শুভ্ৰ কুঁৱলী
আলফুলীয়া শীতৰ আবেষ্টনী।
মন মতলীয়া
অ' পলাশ-শিমলু ---
ফাগুনৰ পচোৱা বতাহত উৰা
ধূলি কণায়েও কৈ যায় -
বাৰিষাৰ প্ৰথমজাক বৰষুণৰ কথা।
দি যায় ফাগুনৰ সঁচা পৰিচয়।
বৰষুণ মানেই -
সৃষ্টি-সমৃদ্ধি।
বাউলি বতাহৰ
বিস্তৰ সৰাপাতৰ দলিচাতেই আছে
আশাৰ বতৰা।
প্ৰকৃতিৰ চিৰ সেউজীয়া
চিৰ যৌৱনৰ তান।
আমে মলিয়ালে,
কঁঠালে পেলালে মুচি।
নানা ৰঙী চৰায়ে,
ন সাজ পৰিহিতা বিৰিষে আনন্দত জুৰিলে গীত।
আৰু যে ক'ত কি সুন্দৰ!
এই বিনন্দীয়াপৃথিৱী।
কৃষকৰ সপোন হৈসৃষ্টিৰ সমল হৈ - - - -
ফাগুনৰ পুনঃ পুনঃ আগমন।
✍️সংগীতা শইকীয়াহাজৰীকা
তিতাবৰ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ