কেনে যোদ্ধা তই? -ফাৰুক হুছেইন

ভয় পাই পলাই গ'লি,

পৰাজয়ৰ মালা ডিঙিত ল'লি;

কোন স'তে কোৱা বাৰম্বাৰ,

"দেশ মাতৃ কেৱল মাত্ৰ আমাৰ" ;

তোৰ লজ্জা জানো নাই,

কেনে যোদ্ধা তই যাৱ পলাই ?

চুক্তি পত্ৰত স্বাক্ষৰ কৰি,

নিজৰ প্ৰয়োজন সিদ্ধি কৰি;

সন্মূখত ৰণৰ আবাস পাই,

কেনেকৈ নো থাক মুখ ঘূৰাই;

দেশৰ প্ৰতি তোৰ কোনো দায়িত্ব নাই,

কেনে যোদ্ধা তই যাৱ পলাই ?

বিপদ যেতিয়া নাছিল দেশত,

আহিছিলি সৈনিকৰ বেশত;

সুৰক্ষা দিবি বুলি কৰিলি পণ,

বিশ্বাস কৰিলে নীৰিহ জনগণ;

মোটা অঙ্কৰ দৰমহা লই,

কেনে যোদ্ধা যাৱ পলাই তই?

সৈনিক হ'বলৈ তই হ'লি অক্ষম, 

দেশদ্ৰোহীৰ সীমা কৰি অতিক্ৰম ;

নিজকে বচাই বুৰাই দিলি দেশ,

মিৰ্জাফৰ হৈ ক্ষমতা পালি বেছ;

দেশৰ কথা ভাবিবলৈ আহৰিয়ে নাই,

কেনে যোদ্ধা তই যাৱ পলাই ?

         ✍️ফাৰুক হুছেইন

         হাউলী,বৰপেটা