ভেলেন্টাইন -মানস জান শইকীয়া

পানীভৰা সাগৰৰ বিশাল গভীৰতাত

মণি-মুকুতাৰ অলেখ সমাহাৰ,

আশাভৰা জীৱনৰ প্ৰতিটো খোজত

তোমাৰ প্ৰীতিভৰা মৰমৰ অলংকাৰ। 

স্মৃতিভৰা দিনৰ দীৰ্ঘ পদূলিত

মোৰ স্বপ্নভৰা সপোনৰ কাৰেং,

ব্যাকুল হৃদয়ৰ দুয়োটি কোণত

তোমাৰ মৰমৰ ফুলে সজা পালেং। 

কি দিম , কি দিম

সদায়ে ভাৱো;

কি দি কৰিম তোমাৰ

অন্তৰ জয়,

মৰম নে আশা

নে স্বপ্ন;

নে প্ৰেম;

নে হৃদয়;

নে সুগন্ধি গোলাপ,

যাৰ গোন্ধেৰে 

সুগন্ধ কৰিব,

তোমাৰ মোৰ প্ৰেমৰ কিতাপ ।

                      

   

◾ মানস জান শইকীয়া

     ৰঙামাটি চেউনী গাওঁ, বাদুলিপাৰ