এছাতি পছোৱা বতাহৰ
এক উৰুঙা উৰুঙা মন ।
তল সৰা পাতৰ বিননি আৰু
বতাহৰ ৰিনিকি ৰিনিকি সুৰৰ ধ্বনি।।
ফাগুন মানেই ,
ধুলিয়ৰি বাটৰ উদং পথাৰত;
এজাক অভিমানী পলাশ ,শিমলু
আৰু ৰঙাচুৱা মদাৰ ফুলৰ
নানা বৰনীয়া ৰঙৰ বৰ্নিল মেলা ।।
ফাগুন মানেই,
এখনি সেউজীয়া পথাৰত;
সৰিয়হৰ হালধীয়া হালধীয়া ৰঙৰ
এখন বিশাল পৃথিৱীৰ মানস পৃষ্ঠা ।।
ফাগুনৰ মানেই,
হেজাৰ জনতাৰ মন প্ৰানত,
ফাগুনে প্ৰতিবাৰে আনে ।
দেহত ফাকুৱা ৰঙৰ বোল আৰু
মনত প্ৰেমৰ এছাতি
উতনুৱা বতাহৰ শিহৰনৰ বতৰা।।
ফাগুনৰ ধুলিয়ৰী বাটক
এজাক বৰষুণে ধুই নিয়ক;
শীতৰ লঠঙা বিৰিখ বোৰ ।
আকৌ এজাক বৰষুণৰ
অপেক্ষা অন্তৰত লৈ আহক,
বসন্তৰ আগজাননী বতৰা।।
✍️নৱজিৎ নাথ।
ছিপাঝাৰ, দৰং....
যোগাযোগ নং; ৬০০১৬৪৭৫০৩..
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ