বাৰ্তা-প্ৰণৱ কুমাৰ চক্ৰৱৰ্তী

প্ৰাপ্তিৰ শেষত

সদায়ে আত্মসন্তুষ্টি থাকে বুলি

ভুল কৰা এজনে বাৰে বাৰে

মোক সেই দৰ্শন বুজাই আছিল,

মই কৈছিলো

প্ৰাপ্তিৰ শেষত কেতিয়াবা থাকে 

বিষাদ ৷

প্ৰাপ্তিয়ে সলাই দিয়ে

লক্ষ্যস্থানৰ ঠিকনা,

সলাই দিয়ে যুঁজি থকাৰ বাসনা,

শেষ কৰি দিয়ে

মানুহ চিনি পোৱাৰ কৰ্মশালা ।

মাজে মাজে এনে লাগে

সহজ প্ৰাপ্তিৰ অন্য নাম

বস্তুবাদৰ সন্মুখত আত্মসমৰ্পন ।

◾ প্ৰণৱ কুমাৰ চক্ৰৱৰ্তী

নলবাৰী ৯৮৬৪১৪৯৬৬৪