তুমি আহিবানে -সংযুক্তা বৰা

আজৰি পৰত হাতত তুলিকা তুলি 

ভাবিলো তোমালৈ লিখিম এখনি চিঠি;

কিন্তু কিয় জানো বাৰে বাৰে 

মনটো উঠে সেমেকি।

তুমি; তুমি নুবুজিবা কিয় উঠে সেমেকি?

হয়তো তুমি আজি থকা হ'লে

ক'লো হেঁতেন সকলো বিৱৰি।

পকা ধাননি যি দৰে চকুৰ পলকতেই 

উদং পথাৰ হ'ল

তুমি নোহোৱাৰ বাবে মোৰ মনটো ক্ষন্তেকতে

জয় পৰি গ'ল

শেষত এইটোৱেই মোৰ আশা

তুমি আহিবা, মাথো আহিবা মোৰ বাবে।

সচাঁই আহিবানে?

✍️সংযুক্তা বৰা

      গোলাঘাট।