ব'হাগ মাহে নৱবৰ্ষক আদৰি ল'লে
ব'হাগ আহিছে বুলি
ধুমুহা-বৃষ্টিয়ে আগজাননী দিলে
ব'হাগ আহিলে
লঠঙা বিৰিখে সেউজীয়া সাজ পিন্দে
সেউজীয়া পাতৰ আঁৰে আঁৰে
কুলি-কেতেকীয়ে সুৰীয়া গীত জুৰে
ব'হাগ আহিছে বুলি
তগৰ ,কপৌয়ে মাৰে মিচিকিয়া হাঁহি
বহাগক আদৰিবলৈ ডেকা গাভৰুসকলে
চৌদিশে উখল-মাখল পৰিৱেশৰে
বিহুৰ আয়োজন কৰে
ঢোল, পেপাৰ গগণ কঁপোৱা শব্দই
আকাশ ,বতাহক মুখৰিত কৰি তুলে
জীৱৰী,বোৱাৰী ডেকা গাভৰু,
ককা আইতা আৰু কণমানি হঁতে
বিহুৰ আনন্দত মহুৰা হৈ নাচে
নাচনীৰ মুখে - মুখে
বিহু গীত বাজে
সেউজীয়া পাতৰ আঁৰে আঁৰে
মায়াবী কুলিয়ে কুউ কুউ কৰি নাচে
এনেকৈয়ে ভিন্ন ৰূপলৈ ব'হাগ
পদূলীমূখত আহি পৰে।
*আলতাব হুছেইন যমুনামুখ, নগাঁও*
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ