বনৰজা আৰু নিগনি-পবিত্ৰ গায়ন

এখন হাবিত এটা সিংহই 

আছিল উস্তাদি মাৰি,

তাতকৈ বোলে শক্তিশালী 

কোনো নাই ইয়াত প্ৰাণী ।

হাবিৰ মাজতে চিকাৰীয়ে এদিন

পাতিলে মৰনৰ জাল ,

হৰিণা লাগিব বুলি ভাবিলে

হেঁপাহ পলুৱাই খাম ।

চিকাৰী জালত নালাগিল হৰিণ

লাগিল বনৰ ৰজা ।

গৰজি গৰজি ভাগৰি পৰিল ,

কোনো নাই ৰক্ষা কৰোঁতা ।



এনেতে এটা নিগনি আহি

বনৰ ৰজাৰ দেখা পাই ,

বনৰজাৰ এনে অৱস্থা দেখি

নিগনিয়েবিছুতি খাই ।

 নিজকে আজি বনৰ ৰজাই

অসহায় বুলি ভাৱে ,

কাকতি মিনতি কৰিলে নিগনিক

অকমান সহায় লাগে ।

সিংহৰ এনে অৱস্থা দেখি

 নিগনিৰদয়া উপজিল ,

কণ্টক দাঁতেৰে জাল কুটি কুটি 

নিগৰিও ভাগৰি পৰিল । 

অশেষ কষ্টৰে নিগনিয়ে জাল 

টুকুৰা টুকুৰ কৰিলে,

বনৰ ৰজাক মুত্যুৰ পৰা 

নিগনিয়ে ৰক্ষা কৰিলে ।

বনৰ ৰজাই নিগনিক আজি 

কৃতজ্ঞতা  প্ৰকাশ কৰিলে ,

সৰুয়েও হে ডাঙৰক সহায় কৰিব পাৰে

বন ৰজাই মনত ৰাখিলে ।। 

        ◾পবিত্ৰ গায়ন , মাজুলী ।