বিহাৰৰ কিষাণ গঞ্জত
ৰজাবাৰীৰ বাবুলৰ
প্ৰাণ গ'ল ।
তিনি বৰিষৰ কেঁচুৱা
কোলাত লৈ প্ৰিয়তমাৰ
জীৱন দিশহাৰা হ'ল ।।
ৰিঙিয়ে ঢুকিয়ে নোপোৱা
বিদেশৰ নিঠৰ দেহ
গৃহলৈ আনিব কেনেকৈ ?
তাকে ভাবি গুণি পৰিয়ালৰ
নয়নৰ নীৰ বয়
বাৰিষাৰ বলিয়া বান
বয় যেনেকৈ ।।
দৰিদ্ৰ পৰিয়ালৰ
বিষাদৰ নাদ শুনি
উদয় আদিত্য গোস্বামী ।
মহান অনুভৱতাৰে
দিলে আপোন পৰিচয়
জগতৰ জনধৰ্ম্মৰ প্ৰতি ।।
বাবুলৰ অন্তিম সৎকাৰ
কৰিবলৈ গোস্বামী দেৱে
নিমাত নিঠৰ দেহ
আনিলে ওভতাই ।
তাৰ বাবে অসমৰ
শতকোটি জননীয়ে
শুভ আশিষ দিলে
হিয়া ওপচাই ।।
সঁচাকৈ উদয় গোস্বামী
অসমী আইৰ
শীতল কোলাত
দেৱদুতৰ দৰে হ'লা থিয় ।
সমাৰ মাজত তোমাক
এনে মহান অনুভৱতাই
কৰি তুলিব সদা প্ৰিয় ।।
তোমাৰ মানৱতা দেখি
বিশ্বনাথ চাৰিআলিৰ পৰা
প্ৰশংসা নকৰি
নোৱাৰিলো মই ।
অনন্তলৈ প্ৰণতি
আৰু দিয়ক শকতি
গৰিমা দশোদিশে হওক
জয় জয় ময় ।।
◾ বসন্ত ওজা ।
বি: চাৰিআলি নগাঁও লেহুগাঁও
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ