পাগলী••ৰজনী কুমাৰ ডেকা

উজাগৰে কটাই কত ৰজনী ,

আউলী বাউলি কেশ মেলি ৷

ৰ'দালিতে নাচে তাই,

কেতিয়াবা উচুপনি ,আকৌ মিচিকিয়াই,

নিষ্পাপ মনৰ  আবেগ অনুভূতি ৷

সকলো পথেই চিনাকি তাইৰ ,

সকলো পথিকেই আপোন  ,

অবুজ মনৰ , অবুজ ভাষাৰে 

কব  খোজে তাই হৃদয়ৰ বহু বেজাৰৰ  কথা  ৷

সঙ্গী বিহীন আলাপক ৰঙীন কৰিবলৈ  আহৰি দিব কোন  ?

তাহানিতে উৰি গুচি গল দূৰ আৰু বহুদূৰ মৰমৰ মাত এশাৰী ৷

মমতাৰ দুহাতে এন্ধাৰলৈ ঠেলিলে 

নিয়তিৰ যন্ত্ৰণাৰ  সতে খেলিছে 

তাই ,এতিয়া মাথোঁ মৃত্যুলৈ অপেক্ষা কৰিছে ,পদূলি পদূলি ফুৰিছে

এটুপি তৃষ্ণা  বিচাৰি  ৷

              📌ৰজনী কুমাৰ ডেকা 

                      ৰঙিয়া  ৷