নাৰী তুমি সঞ্জীৱনী•• লুকুমণি চুতীয়া

শেৱালীৰ সুবাসৰ দৰে 

সুগন্ধিত তুমি 

জীৱনৰ সকলো কঠিন পথ 

পোহৰাই তুলিছা 

এমুঠি সাহসৰ জোনাক সিঁচি ।।

কণ্টকময় জীৱনৰ তুমি 

অক্লান্ত পথিক ।

বিষাদ আৰু সংঘাতেই যে,

তোমাৰ জীৱনৰ প্ৰত্যুত্তৰ ।।

হেৰাই যাই সকলো 

জীৱন যুদ্ধত ।

মাথোঁ ৰয় ,

নীৰৱতাৰ মাজত দেখা পোৱা 

কেইটিমান নগন্য স্বপ্ন ।।

শুনা পাই জানো কোনোবাই 

দুচকুৰ ক্ৰন্দনৰ ৰোল ,

পাৰিব জানো হৃদয়ত দপদপকৈ 

জ্বলি থকা জুইকুৰা 

এবাৰ নুমুৱাই দিবলৈ ।।

কেতিয়াবা বাৰু বিচাৰি পাম নে 

হেৰাই যোৱা স্বপ্নবাটৰ ঠিকনা ।

সমাপ্ত হ'ব নে সেই নীৰৱতা

নাৰী , তোমাৰ পৰা ।।

তুমিয়েই সেই নাৰী 

'সঞ্জীৱনী'

তোমাতেই সকলো আজি 

ঋনী ।।        

✍️লুকুমণি চুতীয়া