একপক্ষীয় প্ৰেম••দিপশিখা ৰাজকোঁৱৰ

তুমি মোৰ নোহোৱা বুলি জানিও

বাৰে বাৰে তোমাৰ প্ৰেমত পৰো

হৃদয়ৰ পৰা তোমাক মই

নিজৰ আপোন কৰিব খোজোঁ

কিন্তু তুমি চোন মোৰ পৰা

সদায়েই আঁতৰি দূৰে দূৰে ৰোৱা ।

তোমাৰ বাবে কিমান পাগল মই

সেয়া জানোঁ তুমি বুজিবা

তুমিতো মোৰ কথা এবাৰলৈ হ'লেও

ভুলতেও ভাবি নোচোৱা চাগে 

বুজিবলৈ চেষ্টাই নকৰা

মোৰ ভালপোৱা অনুভূতিৰ কথা ।

হৃদয়খনে কিমান যে হাহাকাৰ কৰি উঠে 

তোমাক নোপোৱাৰ বেদনাত

মন যায় তোমাৰ দুচকুত চকু থৈ

মনৰ সকলো কথা খুলি ক'বলৈ

কিন্তু ভয় লাগে অ'

মই তোমাক বিচৰাৰ দৰে

তুমি জানোঁ মোক  বিচাৰা।

গোপনে ৰাখিছোঁ ক'ব নোৱাৰা কথাবোৰ 

তোমাক নাপাওঁ বুলি জানিও

তোমাকেই চোন ভালপাওঁ 

একপক্ষীয় প্ৰেম চাগে এনেকুৱাই

বিচাৰিও যে কাৰোবাক পাব নোৱাৰি।

◾দিপশিখা ৰাজকোঁৱৰ।