এশ ঘৰ সদস্যৰ ভিতৰত পঞ্চাশটামান পৰিয়ালে লগ লাগি প্ৰতিবছৰে মাঘ বিহুৰ মেজি ভোজ খোৱা যায় । কিছুমান লোকে চাৰি পাঁচ ঘৰমান লগ লাগি ভোজ ভাত খায় । এইবাৰো ব্যতিক্ৰম নহ'ল । ৩/৪ নং শান্তিপুৰ বৰ নামঘৰৰ পঞ্চাশ ষাঠিটা পৰিয়ালৰ দুশজনমান লোকে লগ লাগি মেজি ভোজ খোৱা হ'ল ।
নিৰ্মল কুমাৰে প্ৰতিবছৰে নামঘৰত খেলৰ ৰাইজৰ লগতে লগ লাগি ভোজ ভাত খায় । এঘাৰমান বজাতেই মেজি ভোজৰ আয়োজন স্থলী লৈ আহিছিল । ভোজ ভাত বনুৱাই বনাইছে , খেলাই খেলিছে । বিহু বুলি দোকান বন্ধ কৰি ৰাতি আঠ বজালৈকে সি তাতে ব্যস্ত হৈ পৰিছিল ।
মাঘ বিহু বুলি প্ৰতিবছৰে সিহঁতে তাছপাত খেলে । কেতিয়াবা পায় আৰু আন কেতিয়াবা যায় । নিৰ্মল কুমাৰৰ খেলাৰ বিশেষ অভ্যাস নাই যদিও মেজি ৰখীয়াৰ লগতে খেলিবলৈ বহে । হাজাৰ টকা দান দি ঘৰলৈ উভতি যায় । এইবাৰো ব্যতিক্ৰম নহ'ল । তেৰশ টকা হাৰিল । তাৰ পিছত দোকানলৈ উভতি গ'ল ।
( আগলৈ )
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ