প্ৰকৃতিৰ বুকুলৈ ন সাজেৰে
বহাগৰ আগমন।
গছৰ পাতৰ আঁৰত
কুলি চৰাইৰ মিঠা মাত ,
লঠঙা বিৰিখৰ ডালত,
সেউজী কোমল কুঁহি পাত।
বিৰিখৰ ডাল সোৱাইছে
ৰঙা মদাৰৰ পাহি বোৰে।
অনাদৰ মদাৰে প্ৰকৃতিত
ৰং বিয়পাইছে।
কমোৱা তুলা বোৰ আহি
চোতালত পৰিছে ,
কন কন মইনা হতে
তাৰেই আনন্দ বুটলি ফুৰিছে।
ডাল ভৰি ফুলিব ধৰা
কপৌ - কেতেকী বোৰে
গছৰ ডালত হাঁহি বিৰিঙাইছে।
এয়াই চাগে ন- সাজত
বহাগৰ আগমন ,
তাতশালত বিহুৱান
লগোৱাৰ সময় ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ