এজাক হৃদয়স্পৰ্শী মৰম-অনন্ত কুমাৰ ভূঞা

পয়ালগা সোঁ‌তত উটি যায় মন

উপহাৰ যাঁ‌চি দিম

আছেনে মৰম আগৰ দৰেই ! 

শুনাছোন 

নিৰ্মোহ বান্ধোনত শুঁ‌ৰ পোঁ‌কে ধৰা নাই 

তুমি শব্দ বিন্যাসী সন্ন্যাসিনী  

নিস্তব্ধতাৰ মাজত জিৰণি তোমাৰ

কুণ্ডত কটা শৰীৰ

নিসঁ‌ৰিত নিয়ৰৰ কোমল টোপাল 

নিগৰিত সোঁ‌তৰ এটি জিলিকনি

নৃত্যছন্দৰ প্ৰলোভিত কামিনী ।

পাদুকাযোৰ পিন্ধিলে শুৱনি হয় চৰণ

জুনুকাৰ শব্দত পুলকিত 

নৃত্যপটীয়সী চঞ্চলা হাস্যময়ী 

ৰূপতীৰ্থৰ কন্যা তুমি লাৱণ্যময়ী 

নিৰাভৰণ ৰহস্যময়ী বিস্ময় নিৰ্বাক গাভৰু   ।