ৰক্ত গোলাপ মানেই প্ৰেম নেকি-জিণ্টু তামুলী

: ৰক্ত গোলাপ মানেই প্ৰেম নেকি? 

: কিয়বা শুধিলা!

: নহয়, যদি সেয়ে হয়, কিয় সেই প্ৰেমৰ প্ৰাপ্তিত তুলসীৰ 

  মালাই বিবাহৰ ঠিকনা দিয়ে?

: প্ৰেমৰ প্ৰাপ্তি জানো কেৱল বিবাহ? 

: অ'....... 

: নহয়, 

  যেতিয়া প্ৰেমৰ সোঁৱৰণীৰ কাচিয়লি ৰ'দবোৰে 

  অনুভুতিৰ তুলিকাৰে ৰং সানে, তেতিয়া প্ৰত্যাশাৰ 

  তুলাচনীৰ প্ৰেমৰ আবেগবোৰ মন কৰিবা চোন! 

  নহব পাৰে ৰক্ত গোলাপ মানে প্ৰেম , কিন্তু প্ৰেম 

  অবিহনে তুলসীৰ মালাই দিয়া বিবাহ ঠিকনাও অৰ্থহীন।