মাঘৰ অনুভৱত

শীতৰ নিষ্ঠুৰতাত লঠঙা গছবোৰ ফেৰেঙনিত

বসন্তৰ হাঁহিটো সপি

মাঘ আহিল প্ৰতিশ্ৰুতি মতে ৷

সুখ আনন্দত উমাল 

পহিলা মাঘৰ ভোগৰ বৈভৱ নিশা

তোমাৰ পদুলিত গাম

এটি ঐনিতম

তুমি আহিবা শব্দৰ সুৰে সুৰে

পাতলিয়া বতাহজাক উৰুৱাই

বুকুৰ আঁচলৰে দুস্বপ্ন মচিবলৈ ৷

মনে সজা মেজিৰ উপ্তাপত

আকৌ এবাৰ ৰঙৰ চোলাটো পিন্ধি

জীৱনৰ পৃষ্ঠভূমিৰ পৰা

প্ৰেমাস্পদ আলিংগনত 

বিদায় দিম শীতৰ অবৈধ কামনা ৷

--------------------------------------------------------

               ✍   জিতেন চেতিয়া ৷৷