এটি নতুন দিনৰ নতুন পুৱালৈ
হেপাহেৰে ৰুৱা ফুলজোপাত
এপাহ সুকোমল ফুল ফুলালৈ- - - -।
জীৱনৰ ওখোৰা মোখোৰা বাটৰ
কাঁইট বিলাক আতৰি যোৱালৈ
নাহে দেখোন তেনে এটা দিন
সময়ৰ বালিত খোজ ৰাখিবলৈ ।
হৃদয়ে কান্দে নিৰবে
যন্ত্ৰণাত চটফটাই অজানিতে
বিষাদৰ মালিতা গাঠি সময়ে উপহাস কৰে ।
হয়তো মৰমবোৰ নিভাঁজ নহয়
আৰু আশাবোৰ - - -- - - - ?
নোৱাৰি ফুলাব ওঁঠত কদম ফুলৰ হাঁহি ।
বৃষ্টিৰ তৃষ্ণাই কোমল মাটিত গুণগুণনি তোলে।
অশ্ৰুভৰা দুটি নয়ন কপাহৰ দৰে কোমল স্পৰ্শৰ বাবে ।
কেতিয়া সিচিব মুঠি মুঠি পোহৰৰ বীজ - - - ?
জীৱন -যৌৱনৰ ছন্দত ।
নাপালো আইৰ স্নেহসনা জীৱনৰ - - - - -
গুছি গ 'ল অনন্ত কালৰ বাবে ।
আকিব পৰা নাই জীৱনত সুখ ৰং তুলিকাৰে
এতিয়া সৰাপাতে হাঁহে।
এজাক অশান্ত বতাহে
লৈ আনে চঞ্চলা ফাগুনৰ বতৰা ।
টলবল এবুকু দুখৰ ডাৱৰ
উকা কাগজত মাথো শব্দৰ সম্ভাৰ ।
🔰ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ