ভাল পোৱা অৰ্থত এইটোৱেই স্বভাৱিক কথা

এতিয়া তোমাক কেনভাচত তুলি ধৰোঁ 

বুলি কলে

হাঁহি হাঁহি বিদায় দিব পাৰিবানে

অতীতৰ কিছু কথা 

য’ত বসন্তৰ বা লাগি পুষ্পিতা হৈছিল

তোমাৰ কামনাত ৰাঙলী হৃদয়খন৷

ভালপোৱা অৰ্থত

এইটোৱেই স্বভাৱিক কথা

ৰঙ বিৰঙৰ সপোনৰ মৃত্যু হোৱাৰ কোনো

কাৰণ নাথাকে ৷

তোমাৰ হাতত যদি বিশ্বাসে ভিৰ কৰিছে

দীঘল ৰাতিটোও চুটি হোৱা ইচ্ছাত

মাজৰাতিও তুমি সাৰে থাকিব বিচৰা 

তেন্তে বলানা

আমি এখন নদীহৈ পৰো

বুকুৱে বুকুৱে উশাহবোৰ বাঢ়ি

দীঘল হৈ পৰিব

তোমাক কাষত পোৱাৰ উলাহত ৷

--------------------------------------------------------

                 জিতেন চেতিয়া